BASES DO TORNEO
1. Poderán participar todos os membros da comunidade universitaria da UDC: estudantado, persoal de administración e servizos, persoal de proxectos e convenios, e persoal docente e investigador. Do mesmo xeito, poderán participar tamén os socios de INCUDE e CIDU, e os alumnos egresados da Universidade da Coruña.
2. A plataforma de xogo será
www.chess.com. Os participantes deberán ter unha conta na devandita páxina, (non é necesario facer pagos para facela), e poderán xogar as partidas tanto vía web como a través das aplicacións gratuítas para móbil existentes.
3. O torneo dará comezo o 1 de abril de 2025. Todos os participantes deberán ser mebros do equipo UDC (
https://www.chess.com/club/udc). De non ser membro poden enviar un correo electrónico a
incude@udc.es indicando o seu nome, apelidos, centro/servizo (ou a condición de socio do CIDU) e usuario en chess.com
4. A inscrición é gratuíta e o límite de inscritos este ano será de 25.
5. O sistema de xogo será de dobre round-robin (todos contra todos con ambas cores), cunha fase previa de grupos e unha posterior fase final, en función do número de participantes.
6. O ritmo de xogo será de dous días por xogada para toda a partida, sen dereito a vacacións.
7. Os sistema de desempate será o habitual en chess.com.
8. A organización resérvase o dereito de adxudicar o resultado dunha partida se cre que se está alongando de xeito malintencionado evitando innecesariamente a finalización do torneo.
9. Non está permitido empregar módulos, bases de finais, ou consultar a outros xogadores. Si están permitidos libros de aperturas ou libros de calquera outra temática tanto físicos como virtuais. As decisións da plataforma de chess.com con respecto as trampas son inapelables. Se a organización entende que un xogador está a empregar módulos, este será expulsado do torneo.
10. Premios: Trofeo para o primeiro clasificado. Taza do Club para os tres primeiros.
11. A participación no torneo supón a aceptación das presentes bases.
Publicado o 19/03/2025
Presentamos un novo torneo de LOL, neste caso por equipos.
É necesario que polo menos dous membros do equipo formen parte da UDC, polo que se pedirá o correo na inscrición a estes participantes. O tamaño máximo dos equipos será de 6, tendo un suplente por equipo.
INSCRICIONS ATA O DÍA 30 DE MARZO
O torneo será por xornadas dunha semana de duración, e os enfrontamentos faranse preferentemente de venres a domingo. Os horarios para xogar cada rolda unicamente terán unha data límite (domingo ás 23:59) até a cal será posible xogar o encontro. Os equipos implicados en cada partida deberán falar entre eles e acordar unha hora e día que lles resulte conveniente aos dous. En caso de ser imposible concretar unha hora antes da data límite, porse en contacto co staff do torneo.
Premios:
Campións: Trofeo e vale de pizza para cada membro do equipo presente na entrega de trofeos.
Subcampións: Vale de pizza para cada membro do equipo presente na entrega de trofeos.
Publicado o 19/03/2025
A pasada fin de semana tivemos a primeira xornada do programa de deporte escolar da Xunta - Xogade.
Facemos un resume da situación, que pensamos que é moi boa e agardamos seguir asi.
Xogade na Coruña
Categoría Cadete: Como xa fixemos o ano pasado temos rexistrado un equipo nesta categoría aínda que non sabemos se a Secretaría Xeral para o Deporte ou a Federación farán a competición nesta etapa (o ano pasado pasaron de facela).
Categoría Infantil: O ano pasado grazas ao equipo desta categoría resultamos o único equipo da cidade da Coruña que chegou aos provinciais, tras vencer na fase local e intercomarcal. Este ano de entrada xa estamos como vencedores da fase local.
Categoría Alevín: Este ano tíñamos poucos interesados en disputar os encontros na Coruña e chegamos a un acordo co novo club Coruña. Tras as primeiras tres partidas este equipo, con nosos xogadores Diego e Darío, está empatado co TDFC, onde tamén xoga Xabi, que é alumno. O próximo venres vai ser moi complicado, pero está nas nosas mans clasificar.
Categoría Benxamin: O equipo CIDU Benxamin está a liderar a clasificación nesta categoría. Agardamos que siga así o próximo venres.
Xogade en Cambre
Como sabedes dende hai anos varios clubs colaboramos nesta proba (Cidu, Casino, Betanzos, Sigrás e Xadrez das Mariñas). Este ano tamén sumouse o novo Club Coruña. Xogamos como Xadrez das Mariñas ou XDM, e boa parte dos xogadores son nosos, especialmente das escolas dos Colexios Calasanz e Prácticas.
Categoría Infantil: O equipo vai segundo. O mellor individualmente neste conxunto está sendo Sergio Ramos, xogador noso cedido este ano no Casino.
Categoría Alevín: Aquí o Xadrez das Mariñas vai peor, ocupando a terceira praza. O mellor xogador individualmente (e un dos tres mellores da clasificación xeral) é o noso xogador Antonio.
Categoría Benxamín: Aquí non é que o Xadrez das Mariñas vaia ben... é que é primeiro e segundo!. Dos cinco xogadores que levan tres puntos, os cinco son de XDM e dous son das nosas escolas; Nuno e Iker.
Categoría Prebenxamin: No torneo amigable de categoría sub8 o lider tras as tres primeiras partidas é Pablo, tamén da nosa escola.
Resumindo... non lles vai mal de todo aos nosos rapaces.
Publicado o 18/03/2025
Temos por diante fins de semana de mais actividade.
Venres
Ás 18,00 dan comezo os Xogos Escolares da Xunta - Xogade. No Pavillón de Elviña. A organización avisounos de que o CIDU INFANTIL xa clasificou para a seguinte fase.
Ás 19,30 tamén temos actividade no CUR con torneo a partires das 20,00
Sábado
Os dous equipos da Liga disputan as súas partidas como locais así que dende ás 17,00 estarán no CUR.
Domingo
Ás 10,00 empeza o Xogade en Cambre. Algúns dos nosos xogadores foron cedidos ao XDM para esta competición a ver que tal nos vai. Ademais varios dos máis pequenos xogarán o Torneo Sub 8 das Mariñas.
Publicado o 14/03/2025
BASES DO CONCURSO DE RELATOS BREVES"San Rosendo e o Xadrez"
1. Obxecto do Concurso
O presente concurso ten como finalidade fomentar a creatividade literaria e a divulgación da figura de San Rosendo, importante persoeiro da Galicia Medieval e con unha tradición que o vencella co xadrez.
2. Participantes
Poderá participar calquera persoa e cada participante poderá presentar un único relato.
3. Temática
Os relatos deberán estar inspirados na figura de San Rosendo e valorarase que aparezca a súa relación co xadrez.
4. Requisitos dos Relatos
A extensión dos textos deberá situarse entre 500 e 1.500 palabras.
Os relatos deberán estar escritos en galego.
O texto debe ser inédito e non estar publicado previamente en ningún formato nin estar pendente de resolución noutro concurso.
5. Presentación e Prazo
Os relatos deberán ser enviados en formato PDF ou Word ao correo electrónico incude@udc.gal antes do 1 de setembro de 2025. O asunto do correo debe ser "Concurso Relatos San Rosendo" e deberá incluírse ademais do relato un documento anexo cos datos persoais do autor baixo o título "datos".
6. Xurado e Criterios de Valoración
O xurado será determinado pola directiva da entidade.
Avaliaranse os seguintes aspectos:
Creatividade e orixinalidade.
Adecuación á temática proposta.
Calidade literaria e corrección lingüística.
Capacidade para evocar o mundo de San Rosendo e o xadrez.
7. Premios
O gañador deste concurso recibirá como premio un Trofeo e unha noite en habitación doble en Celanova, para coñecer mellor a localidade, berce do Santo.
Os autores dos textos que á xuizo do xurado merezan ser publicados na memoria anual de AGAX recibirán tamén un pequeno detalle da organización.
Permanecede atentos a este espazo para coñcer melloras neste apartado.
8. Resolución e Publicación
O fallo do xurado será inapelable e darase a coñecer no mes de setembro a través dos medios oficiais da organización. Tanto o primeiro premio como os que considere de especial calidade o xurado serán publicados físicamente no boletín da Asociación Galega de Xadrecistas e en internet nos espazos web de INCUDE e AGAX.
9. Aceptación das Bases
A participación no concurso implica a aceptación de todas as bases. Calquera situación non prevista nestas bases será resolta pola organización.
Publicado o 04/03/2025
Tras o éxito na primeira convocatoria no curso pasado, lanzamos de novo o torneo de LOL na súa versión de 1 vs 1.
Así anunciamos a segunda edición do torneo individual de League of Legends. O único requisito é ser membro da UDC e entrar no servidor de Discord do torneo. O formato constará dun cadro de dobre eliminación con encontros ao mellor de tres partidas.
Onde anotarse?
No seguinte formulario:
https://forms.gle/C4iKNMriN5M1xhxB9
Calquera dúbida podes escribirnos a incude@udc.es
Publicado o 19/09/2024
Crónica Torneo LoL
Ao remate do curso finalizou o I Torneo de LoL de INCUDE por equipos. Tras unha fase previa en formato suízo, os seis primeiros equipos pasaron a unha fase final da que resultou vencedor o equipo ‘Despido Improcedente’, capitaneado por Mario Sánchez, estudante do Grao en Ciencias Empresariais.
O torneo xuntou a máis de 100 xogadores en 21 equipos, nos cales se pedía que a metade dos membros fosen estudantes da UDC.
Estamos agradecidos da gran participación neste evento e procuraremos de facer máis no futuro.
PREME PARA VER MAIS DATOS
Publicado o 25/08/2024
Estamos moi satisfeitos pola boa acollida que tivo o noso torneo de LOL.
20 equipos e mais de 100 xogadores empezarán o torneo nesta semana.
Grazas a todos e lembra seguirnos das redes sociais.
Publicado o 14/03/2024
Nos últimos anos dende
INCUDE temos realizadas varias actividades de maxia no
Centro Universitario de Riazor. Un dos membros da nosa directiva era o estudante de socioloxía
David Maestro, un mago que ten participado en diversos programas de televisión.
Agora, xa fora da Universidade, vai encargarse da dirección da Escola Universitaria de Maxia de INCUDE, collendo como modelo a escola de xadrez.
A nosa idea é facer festivais, shows e cursos e agardamos poder anunciar as primeiras actividades xa neste mes de marzo.
Publicado o 07/03/2021
.png)
