A pasada fin de semana tivemos a segunda rolda dos torneos do programa
Xogade da Xunta de Galicia.
En anos anteriores sempre competíamos xunto a outros clubes (Betanzos, Sigrás e Casino) baixo a denominación Xadrez das Mariñas.
Este ano ademais desta cooperación presentamos dous equipos propios no Xogade da Coruña e estes foron os resultados dos equipos nos que tivemos representación.
Xogade Coruña. CIDU Benxamin.
O CIDU dos pequenos liderou o torneo ata a última rolda, á que chegou cunha ventaxe de dous puntos que se evaporou no último momento. En calquera caso moi destacada a actuación do equipo formado por tres xogadores do Calasanz; Alfonso, Antonio e Darío e dous do CEIP Prácticas: Roque e Estevo.
Por equipos o primeiro clasificado foi o TDFC con 18,5 puntos e segundo o CIDU con 17,5.
O terceiro foi o Liceo La Paz con 13 puntos. Importante salientar que o vencedor individual do torneo decidiuse na última partida entre dous xogadores da nosa escola en Calasanz; Xabi e Antonio. Xabi xoga co equipo do seu pai, o TDFC e este punto resultou decisivo.
Os mellores do noso equipo foron Antonio con 5 puntos que foi 4º e Estevo con 4,5 que foi 6º. O resto do equipo estivo moi ben e obtiveron 4 puntos cada un, nos postos 7º, 8º e 9º. Moi boa actuación do noso equipo que ao ser segundo só podería pasar de rolda por renuncia do TDFC ou por ser o mellor segundo dos distintos grupos.
Actualización: A Xunta confirma o pase do noso equipo Benxamin por ser o segundo do torneo con mais participantes.
Xogade Coruña. CIDU Alevín.
En categoría Alevín o noso equipo estaba formadao por tres xogadores do Dominicos; Sergio, Nico e Adrián e un cuarto do CEIP Pardo Bazán; Yago (casualmente o seu pai é exalumno de Dominicos).
O resultado foi moito mellor do agardado, xa que se participabaMOS con 4 xogadores xustos e calquera baixa ou ausencia deixaríanos fora. Pero Yago e Sergio lograron vencer nas seis parridas que disputaron e Nico con 3,5 e Adrián con 3 puntos lograron xuntar con 18,5 puntos, 2,5 puntos por diante do Franciscanos e 5,5 puntos por diante do Santa María do Mar que foi terceiro.
Yago foi por desempate o primeiro do torneo, Sergio o 2º. Nico fo 13º e Adrián 18ª Por ser primeiros este equipo xa está directamente clasificado á fase comarcal que se disputará a catro taboleiros o sábado 29 de abril en Vila Concepción (Cambre)
Xogade As Mariñas. Categoría Bemxamín.
No equipo dos pequenos tiñamos a un xogador de Pardo Bazán; Antonio e un de Dominicos; Andres. Acompañaban no equipo a xogadores de Casino (Hugo) e Betanzos (Pablo e Hugo). Aínda que non temos queixa da actuación dos nosos representantes o equipo quedou de cuarto de oito equipos. Especial mención ao sétimo posto de Antonio.
Xogade As Mariñas. Categoría Alevín.
O cambio de normativa deste ano facía que os nosos representantes estiveran divididos en dous equipos. Xoan, do Dominicos e Rubén e Pablo de Calasanz, compartiron equipo con Diego RF (Casino), Guillermo (Sigrás) e Angel (Betanzos).
No outro equipo Victor e Teo do Pardo Bazán compartiron equipo con Pablo e Diego (Casino) e Carmen (Betanzos).
Mirko foi o primeiro equipo e a continuación quedaron os nosos dous conxuntos, Os xogadores que mais puntuaron foron Pablo e Xoan con catro puntos, nos postos terceiro e cuarto respectivamente.
Xogade As Mariñas. Categoría Infantil.
Un equipo no que colaborabamos con Roque e Aldara do Dominicos e que eran acompañados por xogadores de Betanzos (David e Angel) e Sigrás (Iván).
Aínda que chegábamos ás últimas partidas sen moitas posibilidades unha serie de boas actuacións e ausencias dos rivais levounos ao primeiro posto con 13 puntos, dous mais que o segundo Sada e 7 mais que o Perillo. Roque logrou tres puntos e Aldara dous.
Este é o outro equipo que participará na fase comarcal o día 29 de abril.
Estamos agardando pola decisión de que equipo é repescado (depende do número de xogadores en cada centro) e agardamos que ao CIDU Alevín e Xadrez das Mariñas Infantil se engada un equipo mais.
Publicado o 29/03/2023
Unha nova fin de semana intensa coas partidas de Xogade e da Liga Galega de Xadrez.
Aí van as nosas actividades:
Venres 24
Dende ás 18,00 no Pavillón de Elviña. Segunda e última xornada do programa Xogade na Coruña.
Os nosos equipos van ben clasificados, pero todo dependerá destas dúas partidas que restan para finalizar a competición.
Sorte para todos!
Sábado 25
Ás 17,00 celébrase a quinta rolda da Liga Galega de Xadrez. Temos estes encontros. A ver se esta xornada vai mellor que a pasada.
CIDU UNIVERSIDADE DA CORUÑA - E.L.X. BOBBY FISCHER
ESCOLA XADREZ CLUBEXA - CIDU ESCOLA INCUDE
ESCOLA TECNICA DE XADREZ DA CORUÑA - CIDU CALASANZ - ROSALES
Domingo 26
Dende ás 10,00 no Pavillón Sofía Toro. Segunda e última xornada do programa Xogade en Cambre.
Os nosos equipos como Xadrez das Mariñas non van tan ben clasificados como outros anos e como o venres todo dependerá destas dúas partidas que restan para finalizar a competición. Aqui necesitaremos aínda mais sorte.
Publicado o 23/03/2023
Ningún dos nosos equipos saiu ben parado da cuarta xornada de Liga. O que mais preto estivo foi o CIDU ESCOLA que deixou escapar na última das partidas o empate, polo que os resultados forn todos derrota amplas por 3-1 e mesmo 4-0.
Sábado pois de malos resultados... pero seguimos cos obxectivos do ano.
Lembramos que o sábado 25 teremos a quinta rolda e logo virán dúas semanas de descanso.
E o venres e domingo teremos tamén os xogos escolares.
Publicado o 19/03/2023
O venres e domingo pasado competimos nos xogos escolares con resultados bastante variados.
En calquera caso agardamos que o pasarn ben nesta proba que xuntou a aproximadamente sub12 tanto no torneo da Coruña como en Cambre.
Nos próximos días pretendemos ofrecer mais actividades aos interesados e mesmo acudir ao maior festival de xadrez escolar de España.
Polo de agora estes foron os resultados:
Venres 10 na Coruña.
Categoría Benxamin
O equipo benxamin integrado por xogadores do Calasanz e do Prácticas fixo unha boa actuación e encabeza a táboa.
Equipo formado por xogadores de Dominicos e de Pardo Bazán. Tamén obtiveron bos resulatadps e están de primeiros.
Domingo 12 en Cambre
A maioría dos nosos xogadores preferiron xogar o domingo. así que forman parte do Xadrez das Mariñas e a situación actual é a seguinte:
Categoría Benxamin
Categoría Infantil
Moita sorte para os días 24 e 26 na segunda e última xornada.
Publicado o 14/03/2023
Nesta xornada de sábado temos dúas actividades.
Unha para rapaces sub 12; a terceira xornada da Liga AGAX e outro o Torneo Rei de Mesa.
Sábado 29.
LIGA AGAX ONLINE SUB 12
16,00 - 17,00 aprox. en Lichess.
TORNEO REI DE MESA
16,45 - 19,30 aprox. en Vila Concepción (Cambre).
Publicado o 29/10/2022
Como ven sendo habitual na nosa entidade coas datas de Samain / Halloween facemos unha serie de actividades que conforman a Xornada Lúdica do Samaín.
Cada proba é independente pero ao mellor da suma de catro delas darémoslle o trofeo das Xornadas Lúdicas.
Case todas son de xadrez, xa que a actividade é do noso club, pero tamén temos algunhas iniciativas doutro tipo que complementan as principais.
E antes do inicio tentaremos meter algunha cousa mais... así que mira está páxina estes días.
Venres 28.
Actividade 1: CIRCUITO DE OUTONO
Organiza asociación universitaria INCUDE
20,00 – 21,00 no Centro Comercial Los Rosales. Cota de 1 euro.
Torneo amigable de cinco partidas de cinco minutos durante unha hora.
Sábado 29.
Actividade 2: TORNEO REI DE MESA
Organizan Sigrás, Xadrez das Mariñas e Asociación Galega de Xadrecistas
16,45 - 19,30 aprox. en
Vila Concepción (Cambre). Mais info en
www.xadrecista.eu.
Torneo amigable de partidas de cinco minutos ou menos e cunhas normas peculiares. Trofeos para os tres primeiros.
Domingo 30.
Actividade 3: COPA AGAX ONLINE
Organiza Asociación Galega de Xadrecistas
20,00 - 21,00 na plataforma
Lichess. Mais info en
www.xadrecista.eu.
Torneo amigable de partidas de cinco minutos durante unha hora. Trofeo para o vencedor.
Lunes 31.Actividade 4:
TORNEO 960 OU FISCHERRANDOMOrganiza asociación universitaria INCUDE e SCD Palaestra.
19,30 – 21,00 aprox. no Centro Comercial Los Rosales.
Torneo amigable de cinco partidas de cinco minutos.
O xadrez FischerRandom é unha modalidade na que se sortea a colocación inicial das pezas.
Cota: 1 kilo de arroz ou pasta.
Trofeo para o primeiro clasificado.
Martes 1.Actividade 5:
COPA AGAX E TORNEO TÓDOLOS SANTOSOrganiza Asociación Galega de Xadrecistas
16,00 – 21,00 no Centro Comercial
Los Rosales.
Viernes 4Actividade 6: CIRCUITO DE OUTONO
Organiza asociación universitaria INCUDE
20,00 – 21,00 no Centro Comercial Los Rosales. Cota de 1 euro.
Torneo amigable de cinco partidas de cinco minutos durante unha hora.
Pasa pola web para ver as novidades que vaiamos tendo estes días.
Publicado o 23/10/2022
O sábado 2 de xullo celébrase en Vimianzo o Asalto ao Castelo que chega xa a súa edición 25.
Como nos últimos anos a organización invitou a INCUDE a sumarse a esta actividade amosando o seu xogo Irmandiños.
Nos próximos días iremos ampliando información e para aqueles que queirades achegaros estas son as actividades a desenvolver na praza do concello:
1. Mostra de xogo de taboleiro Irmandiños.
Dende as 11,00 o noso xogo Irmandiños será o protagonista, aínda que levaremos algún xogo clásico como 3 en raia e muiño. O mellor recibirá unha taza coa imaxe do noso xogo.
2. Torneo de partidas rápidas de xadrez.
De 11,30 a 13,00 aproximadamente. Na praza do Concello. O premio será un trofeo.
3. Torneo de Clash Royale.
De 13,00 en adiante. O premio será unha tarxeta regalo de Google Play con valor de 15 euros.
Para o mellor das tres actividades anteriores entregaremos un trofeo.
4. Torneo online de xadrez.
Pola tarde. De 16,00 a 17,00. Será en lichess. Aberto por tanto a calquera interesado de calquera lugar do mundo. O premio será unha tarxeta regalo de Google Play con valor de 15 euros.
Queremos que o torneo sexa unha actividade anual e permanente no tempo e unha das ideas a barallar e a crecaión dunha entidade para a promoción do xadrez.
Se queres ir con nos, contacta en
incude@udc.es para ver opcións de transporte.
Publicado o 28/06/2022
Neste curso 2021-2022 imos tentar recuperar a normalidade. O primeiro é convocar unha nova edición do campionato interno de xadrez en liña da UDC!
1. Poderán participar todos os membros da comunidade universitaria da UDC: estudantado, persoal de administración e servizos, persoal de proxectos e convenios, e persoal docente e investigador. Poderán participar tamén os ex-alumnos da Universidade da Coruña.
2. A plataforma de xogo será
www.chess.com. Os participantes deberán ter unha conta na devandita páxina, gratuíta, e poderán xogar as partidas tanto vía web como a través da aplicación para móbil.
3. O torneo dará comezo o 1 de novembro de 2021. Os participantes deberán ser membros do Club UDC na devandita plataforma xestionado polo usuario INCUDE. Para os que non sexan membros hai que enviar unha mensaxe ao enderezo de correo electrónico
incude@udc.es indicando o seu nome, apelidos e usuario en chess.com. Esta mensaxe deberá enviarse dende o correo do dominio udc como xeito de comprobar a relación presente ou pasada coa universidade.
4. A inscrición é gratuíta e non hai límite de prazas.
5. O sistema de xogo será de dobre round-robin (todos contra todos con ambas cores), cunha fase previa de grupos e unha posterior fase final, en función do número de participantes. A fase final, de habela, comezará en canto rematen todos os grupos da fase previa. En cada grupo xogarase contra todos os rivais á vez e con ambas cores.
6. O ritmo de xogo será de tres días por xogada, sen dereito a vacacións.
7. Os sistema de desempate será o empregado por
chess.com en primeiro lugar (sonnenberg-berger) e, de ser necesario, os seguintes desempates aplicados pola organización: (1) sonnenberg-berger, (2) maior número de victorias, (3) maior número de victorias con negras, (4) resultado particular, e (5) sorteo.
8. A organización resérvase o dereito de adxudicar o resultado dunha partida se cre que se está alongando de xeito malintencionado evitando innecesariamente a finalización do torneo.
9. Non está permitido empregar módulos, bases de finais, ou consultar a outros xogadores. Si están permitidos libros de aperturas ou libros de calquera outra temática tanto físicos como virtuais. As decisións da plataforma de
chess.com con respecto as trampas son inapelables. Se a organización entende que un xogador está a empregar módulos, este será expulsado do torneo.
10. Premios: Trofeo para os tres primeiros.
11. A participación no torneo supón a aceptación das presentes bases.
Publicado o 15/10/2021
Nos últimos anos dende
INCUDE temos realizadas varias actividades de maxia no
Centro Universitario de Riazor. Un dos membros da nosa directiva era o estudante de socioloxía
David Maestro, un mago que ten participado en diversos programas de televisión.
Agora, xa fora da Universidade, vai encargarse da dirección da Escola Universitaria de Maxia de INCUDE, collendo como modelo a escola de xadrez.
A nosa idea é facer festivais, shows e cursos e agardamos poder anunciar as primeiras actividades xa neste mes de marzo.
Publicado o 07/03/2021
